اليوتيوبر أحمد حسن: شايف نفسي شخص ناجح ودخلي الشهري 30 ألف دولار وعربية أحدث موديل
اليوتيوبر أحمد حسن: شايف نفسي شخص ناجح ودخلي الشهري 30 ألف دولار وعربية أحدث موديل, حيث علق “اليوتيوبر” أحمد حسن ، على موجة الانتقادات التي وجهت له ولزوجته زينب
بعد توجيه تهمة استغلالهما طفلتهما الرضيعة في بعض الفيديوهات التي تبث على “يوتيوب” وتربحهما منه.
وقال حسن في منشور له: “مع كل لحظه حلوه في حياتنا دايمًا بنواجه انتقادات بأسلوب وطريقة بشعة بدون أي وجه حق من الشخص المنتقد
الكلام اللي جاى ده موجهه للاشخاص اللي بتنتقدنا وواقفلنا على الواحدة ومستنية أي حدث في حياتنا عشان تنتقده وتجرح فينا بأسلوب قليل الأدب وبسخرية مبتزلة
وتابع: “أولاً أنا أسمي أحمد حسن عندى 23 سنة ومتجوز من حوالي سنة من أجمل بنت في الدنيا زينب مراتي
والحمد لله ربنا رزقنا بأجمل بنوتة فى الدنيا و هى أيلين بنتنا.. حابب أحكيلكوا شوية عن حياتي”.
وأولاً أنا من أسرة فقيرة جدًا وكنت ساكن في حي البساتين ووالدي شغال ترزي
واللى مش عارف يعنى ايه ترزي يعنى بيفصل و بيصلح هدوم والحمد لله فخور بيه جدًا ووالدتي ربة منزل.
واستكمل أحمد حسن: “كان عندى شغف كبير إني أكون شخص ناجح و شهور زي أي شخص منكم بالظبط
وابتديت ده من أول ما بدأت أعمل فيديوهات على السوشيال ميديا
والحمد لله خلال سنتين بس قدرت أحقق نجاحات كبيرة جدًا على السوشيال ميديا
وبقيت واحد من أكثر الناس المشهورة في مصر على السوشيال ميديا، والحمدلله اتجوزت وكونت أسرة وأنا سني صغير”.
وتابع: “نيجى بقا للمهم ناس كتير بتدعي إني شخص فاشل وناس كتير بتقولي فكك من التفاهة اللي بتعملها دي وروح شوفلك شغلة
وناس كتير بتسألني أنت شايف نفسك شخص ناجح ولا فاشل، فأنا هرد عليكم دلوقتي، أيوة أنا شايف نفسي شخص ناجح.. ليه؟ هقولكم دلوقتي.
اليوتيوبر أحمد حسن: شايف نفسي شخص ناجح ودخلي الشهري 30 ألف دولار وعربية أحدث موديل
أولًا أنا عندي 23 سنه ومتجوز وعندي بنت ومبسوط في حياتي وسعيد ومعايا عربيه أحدث موديل
وعندي شقتي ملكي في منطقه من أحسن المناطق السكنيه في مصر وده بالنسبالي نجاح”
100 مليون مشاهدة شهرياً
وأضاف أحمد حسن: “ثانيًا قناتي على اليوتيوب عليها 3 مليون سبسكريب وحسابي على الانستجرام عليه مليون ونص فولورز وصفحتي على فيس بوك عليها 2 مليون معجب
ده غير إني بحقق شهريًا أكثر من 100 مليون مشاهدة وأكثر من 500 مليون دقيقة مشاهدة و زيد شهريًا أكثر من 600 ألف سبسكريب فده بالنسبالي نجاح”.
وزاد: “ثالثًا دخلي الشهري حاليًا من قناتي بس حوالى 30 ألف دولار شهريًا يعني بالمصري حوالي نص مليون جنيه ده
غير إني عندي 3 قنوات تانيين ليا على يوتيوب وغير طبعا الإعلانات اللى بعملها شهريًا، فده بالنسبالي نجاح
فأظن بعد كل اللي سمعتوه ده مش محتاج حد تاني يشكك في نجاحي
أنا في حياتي الشخصيه الحمد لله ناجح وده بفضل ربنا وفي حياتي العمليه الحمد لله برده ناجح وبرده بفضل ربنا”.
واختتم “اليوتيوبر” أحمد حسن: “الملخص و المفيد لكل الكلام اللى قولته ده ان عايزكوه تبصوا لنفسكوا الأول قبل متفكروا تنتقدونا
والسوال دلوقتي بقا لأي شخص شاف كل الكلام اللي فات ده كله”.
أنت شايف نفسك شخص ناجح ولا شخص فاشل فكر كويس وجاوب على نفسك وحاول متبصش لكلام الناس لأن كلام الناس عمره مهيوصلك انك تبقا شخص ناجح.
أقرأ ايضا:
التحقيق مع أحمد حسن وزينب بتهمة استغلال رضيعتهما لتحقيق مكاسب مادية
